X
Azərbaycanın tutduğu yol müstəqil Azərbaycan Respublikası, demokratik hüquqi cəmiyyət qurmaq yoludur! Heydər Əliyev
Ölkəmizin hərtərəfli inkişafı üçün, demokratik, hüquqi dövlətin əsaslarının möhkəmlənməsi üçün məhkəmə-hüquq sisteminin təkmilləşməsi başlıca şərtdir İlham Əliyev

Ədliyyə Nazirliyində görüş

Azərbaycanda səfərdə olan Avropa Şurasının Yerli və Regional Hakimiyyətlər Konqresinin müşahidəçilərindən ibarət nümayəndə heyəti dekabrın 22-də Ədliyyə Nazirliyində olmuşlar.

Qonaqları səmimi salamlayan ədliyyə nazirinin müavini Vilayət Zahirov Azərbaycanda yerli özünüidarəetmənin inkişafı, bələdiyyələrin fəaliyyətinin təkmilləşdirilməsi üzrə həyata keçirilən tədbirləri vurğulamış, bu işdə Avropa Şurası ilə əməkdaşlığın əhəmiyyətini, xüsusilə Konqresin töhfəsini qeyd etmişdir.

Avropa Şurası ilə Azərbaycan arasında sıx əməkdaşlıqdan məmnunluqları ifadə edən qonaqlar bələdiyyə seçkilərinin gedişatı ilə bağlı məlumatlı olduqlarını vurğulamış, səsvermə günü ölkəmizin müxtəlif bölgələrində seçkiləri izləyəcəklərini bildirmişlər.

Görüşdə səmərəli fikir mübadiləsi aparılmış, o cümlədən bələdiyyələrin səlahiyyətlərinin genişləndirilməsi, qanunvericiliyin təkmilləşdirilməsi, bələdiyyə üzvlərinin müstəqilliyinin təmin olunması, icra hakimiyyəti ilə bələdiyyələr arasında qarşılıqlı əlaqələr, qadınların rolunun artırılması və maraq doğuran digər suallar ətraflı cavablandırılmışdır.

 

 

   
   

Keçidlər