X
Azərbaycanın tutduğu yol müstəqil Azərbaycan Respublikası, demokratik hüquqi cəmiyyət qurmaq yoludur! Heydər Əliyev
Ölkəmizin hərtərəfli inkişafı üçün, demokratik, hüquqi dövlətin əsaslarının möhkəmlənməsi üçün məhkəmə-hüquq sisteminin təkmilləşməsi başlıca şərtdir İlham Əliyev

Ədliyyə Nazirliyində görüş

Avropa Şurası Parlament Assambleyasının Azərbaycanda keçiriləcək prezident seçkilərinin müşahidə olunması üzrə Xüsusi Komitəsinin seçkiqabağı missiyasının başçısı Andres Herkelin rəhbərlik etdiyi nümayəndə heyəti sentyabrın 18-də ədliyyə naziri, Məhkəmə-Hüquq Şurasının sədri Fikrət Məmmədovla görüşmüşdür.

Respublikamızda aparılan hərtərəfli islahatların uğurlarını qeyd edən nazir, dövlətimizin qarşıdan gələn prezident seçkilərini tam şəffaf və demokratik keçirmək iradəsini vurğulamış, bununla bağlı ədliyyə orqanlarının və məhkəmələrin üzərinə düşən vəzifələrdən, habelə penitensiar müəssisələrdə seçkilərin mükəmməl təşkili üzrə görülən tədbirlərdən danışmışdır.

Avropa Şurası ilə əməkdaşlığın daim yüksək səviyyədə olduğunu bildirən Andres Herkel müşahidə missiyası üçün lazımi şərait yaradıldığına görə təşəkkürünü bildirmiş, seçki zamanı yerli və beynəlxalq müşahidənin aparılmasının əhəmiyyətini qeyd etmişdir. Qonaqlar həmçinin bir sıra digər məsələlərə toxunaraq ölkə Prezidenti cənab İlham Əliyevin ötən ay imzaladığı əfv fərmanını yüksək qiymətləndirmiş, vətəndaş cəmiyyəti ilə əməkdaşlığın gücləndirilməsi, ədliyyə orqanlarının inkişafı və sair aktual məsələlər ətrafında faydalı fikir mübadiləsi aparmışlar.

Keçidlər