Ədliyyə Nazirliyi Mətbuat xidmətinin məlumatı

Ədliyyə orqanlarına işə qəbul üzrə Müsabiqə Komissiyası bildirir ki, builki müsabiqə üzrə test imtahanı Tələbə Qəbulu üzrə Dövlət Komissiyası ilə birgə may ayının 21-də saat 10.00-da şəffaflığın artırılması məqsədilə bütün namizədlər üçün vahid auditoriyada - Azərbaycan Texniki Universitetinin idman sarayında, Bakı şəhəri, A.Sultanova küçəsi 5 ünvanında keçiriləcəkdir (Bakı Apellyasiya Məhkəməsinin yaxınlığında).

Prosedur qaydalarının təmin olunması üçün namizədlər imtahanın başlanmasına azı bir saat qalmış gəlməlidirlər.

Namizədlər "İmtahana buraxılış vərəqəsi"ni may ayının 19-dan etibarən şəxsiyyət vəsiqəsini təqdim etməklə səhər saat 09-dan axşam saat 18-dək Azərbaycan Respublikası Ədliyyə Nazirliyinin inzibati binasında (Bakı şəhəri, İnşaatçılar prospekti 1) götürməlidirlər.

İmtahana gələrkən namizədlər "İmtahana buraxılış vərəqəsi"ni və şəxsiyyət vəsiqəsini mütləq gətirməlidirlər. Göstərilən sənədlərdən biri təqdim edilmədikdə namizəd imtahana buraxılmayacaq. Əlavə məlumatları, o cümlədən imtahan suallarının hazırlanmasında istifadə edilmiş normativ hüquqi aktlara və sair sənədlərə dair məlumatı Ədliyyə Nazirliyinin internet səhifəsindən (www.justice.gov.az) və 430-01-18, 430-11-05 nömrəli telefonlarla əldə etmək olar.

 

iacca
help_az
iap
eplc